Wednesday, September 21, 2016

Pagkamoot: mayoriyang rason sa 31ng caso nin suicide sa Albay

LEGAZPI CITY September 21, 2016 (Bicol Standard) – Mayong kapantay na pagkamoot, pagkaherak sa sadire, binayaan kan saiyang namomotan.



Ini an parateng mga rason sabi sa mga iwinawalat na mga “suicide notes” kan mga tawo na nagdecidir na taposon na an saindang buhay sa kinaban na ini.

Sa intrevista kan BICOL STANDARD ki PSInp Arthur Ramirez Gomez, an spokesman kan Albay PNP, poon sana kan Enero hasta Septiembre, 2016, 31 personas na an naghugot sa Albay, base sa saindang record.

An may pinakadakol na numero nin mga naghugot hale Legazpi City asin Tabaco City, na may tig 5ng mga caso nin suicide. 

An Ligao City, Bacacay, asin Libon, igwa nin tigturolong suicide cases.

Tig duruwa hale sa mga banwaan kan Daraga, Camalig, asin Pio Duran.

Igwa man nin tigsararong tawong naghugot hale sa Tiwi, Malinao, Sto. Domingo, Guinobatan, Oas asin Polangui.

Mientrastanto, sabi pa sa record kan pulis, mayo sa saindang record nin mga caso nin paghugot hale sa Rapu-Rapu, Manito asin Jovellar.

Sa 31 na kasong naghugot, 2 sana an mga babayi, segun ki Gomez.

An Albay igwa nin 15ng mga banwaan asin 3ng mga ciudad.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...