Thursday, September 1, 2016

No. 7 na drug personality sa Jose Panganiban, CNorte, nagadan sa buy bust operation

JOSE PANGANIBAN, CNorte Septembet 1, 2016 (Bicol Standard) - Binawian nin buhay si Ariel de Jesus alias “Aye”, taga Brgy. Bagongbayan, sa banwaan na ini, huli sa pag-ansyas na maglaban sa mga awtoridad.


Nagluwas sa report na si De Jesus, iyo an pigcoconsiderar na No. 7 sa watchlist kan mga persona na imbuelto sa illegal na droga digdi.

Base sa record, poco mas o menos ala 1:00 nin mag-omagahon, naglansar an mga pulis nin buy-bust operation na an target iyo an suspechadong drug pusher na si De Jesus.

An sabi, nagkagat na sa transaksyon an victima na magpabakal nin droga sa paon na parabakal, na tawohan kan pulis.

Mantang nagpapadagos an transaksyon, naka malesya suboot an suspechado, kaya nag probar na maglaban sa mga awtoridad.

Ini an naging mitsa tanganing siya badilon kan pinagsararong mga tawohan kan PNP.

Nakua sa poder kan victima iyo an sarong calibre .38 na may laog nin 5ng bala, sarong hand grenade, 2ng heat-sealed small transparent plastic sachet na may laog nin shabu, asin P500 na suboot iyong ginamit na buy-bust money, dangan sarong cellphone.

An bangkay kan victima dinara sa ADEA Funeral Homes para sa post-mortem examination.






Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...