Monday, September 5, 2016

No. 5 most wanted sa Libmanan, natimbog kan pulis

LIBMANAN, Camarines Sur, September 5, 2016 (Bicol Standard) -- An ika 5ng most wanted person sa banwaan na an an nadakop na kan pinagsararong operatibas kan Criminal Investigation and Detection Group (CIDG) asin mga pulis kan banwaan na ini.

Retrato kan CIDG Bicol
An nadakop na persona iyo si Jerald Trinidad y Alintatao, na may inaatubang na casong Frustrated Murder.

An mandamiento de aresto kontra ki Trinidad firmado ni Judge Manuel Salumbides kan RTC Branch 56 kan Libmanan, Camarines Sur.

Para sa saiyang temporaryong libertad, an jusgado nagrekomendar nin fianzang nag-aabot sa kantidad P200,000.

Sabi sa report, haloy ninda pig susug an guira kan suspechado, para siya pasimbagon sa akusasyon kan krimen na isinasahot sa saiya.

Sa presente, an suspechado nasa laog kan carcel kan hepatura kan pulis digdi.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...