Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Tuesday, September 13, 2016

No. 1 drug pusher sa Nabua, nabadil kasoodma, guraan

NABUA, Camarines Sur September 13, 2016 (Bicol Standard) – Inabot na an kasagkuran kan buhay ni Reynaldo Fetil y Juanillas, na iyong pigcoconsiderar na number 1 na drug pusher sa banwaan na ini.



Segun sa report kan pulis, si Fetil nakibadilan sa mga pulis kasoodmang alas 2:30 nin hapon.

An incidente nangyari sa Zone 6, sa Brgy. Lourdes Young, digdi.

Susug sa report, enot na pinaputukan ni Fetil nin duwang beses an mga pulis na nasa tahaw kan saindang kampanya contra sa paglakop kan ilegal na droga.

Huli kaini, nagbalos an mga awtoridad, na nagresulta sa kagadanan kan victima.

Mientrastanto, dinara pa man kuta sa Medical Mission Hospital and Health Services Cooperative, sa Nabua, Camarines Sur si Fetil, alagad ipigdeclarar siyang mayong nang buhay.

Nakua sa saiya an limang pidasong heat sealed plastic sachets na may laog nin shabu asin sarong caliber .22 na revolver na may kargang bala.

An sinambit nang persona yaon sa halabang listahan kan mga pigtutubodan na parabariwas nin droga sa banwaan na ini.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...