For immediate hiring

For immediate hiring

Sunday, September 25, 2016

De Lima pinagpalas-palas sa Dubai

Ni Frank Peñones

IRIGA CITY – Sinabi ku ngod ku taga-Irigang pinugutan ag pigpalas-palas su awak sadto Dubai ku kanya man sana kunong maku-ina, na nakatakot saigo kuno su maku-ina kanda kaya inako na sana su krimen.

Photo from www.thenational.ae


Sinabi ni Marjane Salvadora Malco, ngod na babayi ku biktimang si Maria Normita Salvadora de Lima(46), na nagbaoy sa telepono su maku-ina nirang si Glenn Salvadora (25) na nakatakot iya saigo kaya inako na sana su krimen.


Natuparan su uda payong awak ni De Lima ku Mayo 27 ngowan na taon sadto Ajman, sa luwas ka Dubai.

Sinabi ka Gulf News na inutang si Salvadora sa Dh10,000 ki De Lima na nagtatrabaho bilang katabang sa baloy.

Ku guranon kuno si De Lima, sabi ko mga pulis, inalok ni Salvadora si De Lima na lumunad sadto awtong inuram kadi sa kaiba apartment nganing pagusipan su inuram niyang kwarta.

Mantang sadto awto, nagkaagko kuno mainit na diskusyon su darwa na amo nagin rason nganing saksakon ni Salvadora su pakuinaon niya.

Dangan pigputol-putol kuno ni Salvadora su awak ni De Lima ag sinulo pa bago itinalbong sadto kabaybayan sa Ajman.

Sinabi pa ku pulis na narakop nira si Salvadora matapos ana sugsog na pagaanap ag pag-adal ku 9,751 na kaso sa mga nauudang katabang na Asyano.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...