Monday, September 19, 2016

Nagkurahaw na may darang bomba, kakasohan

NAGA CITY September 19, 2016 (Bicol Standard) -- Determinado an mga awtoridad na sangatan nin casong pagbalga kan Presidential Decree No. 1727 si Acasio Fullante y Panesa, taga Apo Drive digdi.



Siya, dinakop kan Sabado huli sa pagkurahaw na igwa siyang darang bomba.

Nangyari an incidente sa may Naga Metropolitan Cathedral, mantang nasa kasagsagan an pagtiripon kan mga tawo na maparticipar sa Fluvial Procession kan imahen ni Nuestra Sra. de Penafrancia.

Segun sa pahayag ni PSSupt. Julius Munez, an acting na pamayo kan pulis digdi, daw pwedeng patawadon na sana an siring na salang gawi, orog pang may dakulang huma sa seguridad.

Sa presente si Fullante yaon pa nakakunkon sa carcel digdi.

Base sa report kan mga imbestigador, an suspechado may darang bag, mantang naglalakaw.

Huli gayod kan saiyang kaburatan, nagkurahaw na may bomba siya.

Ini an dahilan tanganing isumbong siya sa mga awtoridad.

Sabi pa sa bareta, kan siya kinapkapan kan mga pulis, asin rekisahon an laog kan darang bag, an nakua kan mga awtoridad iyo an mga bado, asin mga personal na gamit.

Mientrastanto, kun siya mapatunayan sa jusgado na nagkasala, masapo siya nin kastigong pagkapreso nin sagkod limang taon asin multa na maabot sa P40,000.

Enot pa kaini, nagpatanid an mga awtoridad na ibitaran an pagdara nin mga backpacks asin pagsulot nin mga kopya na tahob an payo para sa pigmamawot na katranglkilohan sa laog kan sarong semang celebrasyon kan fiesta.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...