Wednesday, September 21, 2016

61 anyos na lolo, tiklo sa pagpabakal nin shabu sa Mercedes, CNorte

MERCEDES, Camarines Norte September 21, 2016 (Bicol Standard) – Orog pang pinaharang kan pulis an saindang kampanya kontra sa ilegal na droga na nagresulta sa pagkadakop kan sarong 61 anyos na lalaki na residente kan P3, Brgy. 7 digdi.

Mga retrato hale ki Ricky Talento Pera
Sa ginibong buy-bust operation kan pinagsararong team nin mga awtoridad nadakop si Jaime Villamor kan magpabakal siya nin shabu sa nag-saguin-saguin na parabakal kaini na tawohan kan mga pulis.

Sabi sa report, 8ng sachets nin shabu an nakua sa suspechado.

Nakua pa sa saiyang poder an kantidad P500 na marked money, na evidenciang gagamiton konta saiya.

Nasa record kan pulis na si Villamor iyo an pig sasabing No. 4 na persona na yaon sa saindang listahan na imbuelto sa pagbariwas kan ilegal na droga.

Yaon siya ngonian sa poder kan pulis mantang pighahanda an kaso na isasangat ngonian na aldaw sa jusgado.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...