Monday, September 5, 2016

Lalaki, binadil mantang nagtuturog

MANDAON, Masbate, September 5, 2016 (Bicol Standard) -- Mayo lamang ni saro an nakabisto sa nagbadil ki Eduardo Fenis y Ramilo, 48 anyos, taga Brgy. Maolingon, sa banwaan na ini kasoodmang odto.



Segun sa informante kan pulis, an suspechadong parabadil, tinuyo sa laog kan saindang residencia si Fenis, para putokan kan saiyang darang armas.

Base sa mga enot na declarasyon na naguno kan mga awtoridad, inabotan kan killer an victima na nagtuturog sa banig, sa luwas kan saindang residencia.

Basang na sana suboot na dinulok, dangan binadil an biktima, sa saiyang lawas, na iyo nang naging causa kan saiyang kagadanan.

Hastang sinusurat an baretang ini, mayo pa nin nakukuang linya an mga pulis para madakop an kriminal.

Mientrastanto, ipigpapadagos an imbestigasyon mapadapit sa caso.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...