Thursday, September 29, 2016

74 anyos na lola 3ng beses sinaksak an pilyong lolo

NAGA CITY September 29, 2016 (Bicol Standard) Nag-a agaw buhay na idinalagan sa NICC hospital an 69 anyos na lalaki na 3ng beses sinaksak kan saiyang 74 anyos na agom, huli sa makuring pagselos.



Segun sa report, an lola retiradong empleado mantang an lolo, bistado sa saindang barangay na “gigolo.”

Sabi, antes mangyari an incidente, biyong nang nag-aaloso-os an kaangotan ni lola Vacion (bakong tunay na pangaran) huli sa nagkakanayap na mga huring-huding mapadapit sa suboot pambababaye ni lolo James Tirador (bakong tunay na apelyedo).

Orog pang nagparagpadag si kasuyaan kan lola kan mahinghingan na an saiyang playboy na esposong may kaibahan na joven na babaye sa SM nagshopping.

Enot pa kaini, an mag-agom pirme nang nagdidiringkilan huli sa mga “chismis” nin pambababae ni James.

Mientrastanto, kasoodma, naubos na an pasencia ni lola.

Pag abot pa sana sa pwerta kan saindang harong sa Brgy. San Isidro, digdi, biyo nang nagkakagsing an lola na nagkokondinar sa mga “panloloko” ni lolo James saiya.

An sabi pa, nagbagting an talinga ni lolo kaya pinunite siya ni lola.

Mantang nagdidiklom an paeheling huli sa kulog kan suntok, nakua nin kutsilyo sa kusina si lola.

Mayong pag-alangan na pinatadokan nin tulong saksak si lolo sa saiyang lawas.

Nagpapaomay pa si lolo ngonian sa hospital.

Ngonian na aga, sabi kan mga imbestigador naglipot na an pamayo kan mag-agom kaya dae na idadagos an kasong Frustrated Parricide kontra ki lola.

An lola sarong retiradong maestra mantang an lolo, professional man.

Sabi sa estasyon kan pulis, nagpatahaw an mga aki kan mga gurang na igilid na sana an mga keha, huli sa saro man sana sindang familya.

An nag-imbestigar kan kaso iyo an precinto 4 kan pulis sa Brgy. Cararayan, digdi. (Report ni Boyet Paderes)
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...