Lalaki, sinaksak sa likod sa Minalabac, CSur

MINALABAC, Camarines Sur Sepember 24, 2016 (Bicol Standard) –Sinaksak sa saiyang likod si Danilo Capistrano y Bernal, taga Zone 7, Brgy. Manapao ni Gualberto Baal y Bolalin sa sarong irinoman sa residencia ni Roberto Bolalin, sa nasambit na barangay kasoodmang hapon.


An suspechadong si Bolalin taga Zone 1, sa barangay na ini.

Mientrastanto, anmga imbestigador kan kaso nagpahayag na bako pang malinaw kun ano an nagserveng mitsa krimen.

Pig tutubodan na nagkaigwa nin mainit na diskusyon an mga nag-iirinoman, kaya nangyari an incidente.

An victima idinalagan sa Bicol Medical Center sa Ciudad nin Naga para ipabulong.

Nakuang evidencia sa krimen iyo an matarom na kutsilyo na suboot an ginamit kan suspechado sa pagsaksak kan victima.

An victima nagpapaomay ngonian sa BMC.

Start typing and press Enter to search