Lalaki nakuang mayo nang buhay sa Buhi, CSur

BUHI, Camarines Sur September 26, 2016 (Bicol Standard) -- Mayo na nin buhay kan madukayan an lawas ni Jonnie Arroyo y Magujado, 31, residente kan Sitio Apga, Brgy San Rafael, digdi.


An hawak ni Arroyo nakuang nakabitay sa poon nin aranghita, na may gakod sa saiyang liog, sabi kan mga imbestigador.

An nagpaabot kan informasyon dapit sa nakuang gadan iyo an saiyang magurang na lalaki, na si Dominador Arroyo, kan Sabadong alas 7:30 nin aga.

Suboot, ginamit kan victima sa saiyang pagpatiwakal an bakalbak nin batag na ibinugkos palibot sa saiyang liog.

Para macierto kun igwa nin ibang causa an saiyang pagkagadan, hinagad kan mga miembros kan saindang familia na magkaigwa nin autopsy sa bangkay.

Start typing and press Enter to search