Monday, September 12, 2016

Lalaki nakuang gadan sa Libon, Albay

LIBON, Albay September 12, 2016 (Bicol Standard) -- Binadil asin dagos nang binawian nin buhay si Edwin Leona y Repato, 56 anyos, residente kan Brgy. San Jose digdi.


Sabi sa report, si Punong Barangay Benhur Solomo nagpaisi sa mga awtoridad na kasubagong alas 5:00 nin aga, ngonian na aldaw, may nakuang gadan sa saindang barangay.

Sabi sa pag-siyasat, nakuang mayo nang buhay si Leona poco mas o menos alas 3:00, ngonian na aga, kan mga residentes kan saindang barangay.

An victima may tama nin bala sa saiyang lawas.

Nakua sa pinangyarihan kan krimen an 2ng pidasong bala asin 4 na baseyo nin bala hale sa dae maaraman na calibre nin badil.

Nagpapadagos pa an imbestigasyon.

Mayo pang suspehado sa krimen na ini.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...