Saturday, September 24, 2016

Problema sa familia, nagresulta sa paghugot sa Garchitorena

GARCHITORENA, Camarines Sur September 24, 2016 (Bicol Standard) -- Makuring problema sa familia: ini an itinutokdong rason na nasa likod kan paghugot ni Alfie Frias y Villite, 30, may agom, taga Sitio Catnub, Brgy. Pambuhan, digdi.


Si Frias nakuang nakabitay an lawas sa laog kan saindang harong.

An nakadiskubre kan mayong nang buhay na hawak ni Frias iyo an saiyang 7 anyos na aking babae, poco mas o menos alas 7:30 nin aga.

Sabi kan mga imbestigador, may nakua sindang informasyon na nagkapira nang bulan na may sinasaray na problema sa familya an gadan, na iyong solamenteng rason kun tano ta tinapos na niya an saiyang buhay.

Ultimong naheling na buhay si Frias na mamundo an lalawgon alas 11:30 nin banggui kan Septiembre 22.

Nadiskubre an saiyang malipot na bangkay, Septiembre 23, alas 7:30 nin aga.

An pulis naghagad nin tabang sa Municipal Health Officer kan banwaan na ini tanganing magkaigwa nin autopsy kan gadan.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...