Tuesday, September 27, 2016

Encanto, nabadil kan pulis sa Capalonga

CAPALONGA, CNorte September 27, 2016 (Bicol Standard) –Binawian nin buhay si Romulo Encanto a.k.a Muloy, an sinasabing No. 4 sa drug watchlist kan pulis sa banwaan na ini, kan suboot magprobar na maglaban sa mga awtoridad sa ikinasang buy-bust operation.

Sabi sa report, nagpabakal nin shabu si Encanto sa nagsagin-sagin na parabakal kan ipigbabawal na bulong, kasoodmang ala 1:45 nin hapon, sa P-3, Brgy. Poblacion digdi.



Nagluluwas sa bareta na nakamalesya an victima na an saiyang pinabakalan kan droga sarong tawohan kan pulis, kaya nag-ansyas siyang magbunot kan saiyang darang armas.

Huli kan siring na pangyayari, naenotan na tinamaan nin bala hale sa mga awtoridad si Encanto kaya, binawian siya nin buhay.

Yaon ngonian sa poder kan pulis an mga evidencia na nakua sa lawas kan victima, arog kan pistolized shotgun, shabu na yaon sa laog kan plastic sachet asin si buy bust money.

Mayong nakulgan sa lado kan mga awtoridad.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...