For immediate hiring

For immediate hiring

Monday, September 12, 2016

EDITORIAL | Sain kami masumbong? -- sidewalk vendors sa Naga City

Kun pirme kamong nagdadalaw kan fiesta ni Nuestra Sra. de Peñafrancia, seguradong namasdan nindo an dakulang pagkakaiba ngonian na taon.

Mas maray si naging dalagan kan Traslacion Procession.

Naga City Photo by BICOLSTANDARD.COM
Naga City
Photo by bicolstandard.com

Kulang nin mga burat na nag suro-sarayasay sa mga tinampo.

May disiplina si mga voyadores.

Magayon si coordinasyon kan simbahan asin an gobierno lokal orog sa pagpaotob kan mga reglamento sa paz y orden.

Saludo kita sa mga tao asin sa liderato ni Sr. Supt Julius Muñez kan Naga City Police Office.

Nagbaha an mga nagpaabot nin “congratulatory messages” saiya.

Bako lang hale ki Mayor John Bongat, kundi hale mismo ki PNO OIC Region V Director Chief Supt. Melvin Buenafe.

Anas mga maogmang bareta sa amay na parte kan pagkaaga.

Hastang mag-abot si nagsusupay na reklamo hale sa mga naghihibi na mga paratinda na tinugotan ni Mayor Bongat na maghanapbuhay sa Naga City bilang mga sidewalk vendors.

An nagkapira sa sainda, hale pa sa Batangas. Mas dakul an hale sa mga banwaan kan Bicol na minadayo tuyong ma fiesta ni Ina, para maghanapbuhay.

Oya an saindang reklamo:

Kan sarong semana, nagduman sinda sa City Hall asin nagbayad nin mga buwis asin lisensiya para magtinda sa mga sidewalks. Tinawan nin permiso, mala ngani ta mismong si Mayor Bongat an nagfirma kan mga papel na pugol ninda ngonian.

Naghagad nin permiso sa mga barangay asin tinugotan man.

An saindang pagtinda susug sa existidong ordinansa kan ciudad, na tugot patindahan an lugar na saindang kinakamugtakan.

Inibahan kan mga tawohan kan City Hall. Sinukolan nin tamang lugar, asin pinamugtak sa napiling lugar.

Alagad, pagkabangui, dae sinda naghohona na maabot palan an mga tawohan ni Sr. Supt Munez, tanganing embargohon si saindang mga paninda.

Hasta ngonian, nagtatangis an kadaklan sa mga sidewalk vendors na kinumpiskaran nin mga paninda.

An sabi ni Munez, tinawan siya nin bendisyon kan liderato kan ciudad na ipasunod an planong pang seguridad.

Ginibo niya ini, susug sa plano na saindang pigka-oroyonan.

Nagngangalas sana siya kun tano na binalga an saindang pig orolayan sa Peace and Order Council Meeting, na kabale mismo si Mayor Bongat.

May dakula nang problemang inaatubang ngonian.

Ano na an mangyayari sa mga sidewalks vendors na inagawan nin mga paninda kan mga tawohan ni Muñez? Ano ibabalik pa sainda si mga efectos na kinua sainda?

Ano tutugotan pa sindang magtinda base sa saindang permiso na firmado kan alkalde kan ciudad?

Kun si Muñez an hahapoton, dae siya matugot na magpatinda sa mga gilid na parte kan tinampo ta may peligro sa seguridad.

Mayo pang nakikipag-olay sa mga pobreng sidewalk vendors na an mayoriya nabubuhay sa inutangan na capital sa saindang pagtinda.

Saen sinda masumbong kan problema, kun habo sindang atubangon kan mga lideres kan ciudad nin Naga?
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...