Tuesday, September 13, 2016

Driver kan DLTB ipigreklamo nin daraga sa paghapiyap nin lobot

NAGA CITY September 13,2016 (Bicol Standard) – Sarong driver-conductor kan DLTB bus na biyaheng Naga-Manila vice versa an ipigreklamo ngonian na aga sa hepatura kan pulis digdi nin sarong 19 anyos na daraga huli sa suboot paghapihap kan saiyang lubot, mantang nakasakay sa sinambit na bus.



Si Arthur Alcazar dinakop kan mga pulis digdi kasubagong amay ngonian na aga, kan magpondo an DLTB bus sa Diversion Road, sa Brgy. Triangulo.

Sabi sa reklamo ni Nene (bakong tunay na pangaran), si Alcazar enot nag-ofrecir saiya nin olonan, para gamiton sa saiyang mag-agang biyahe pasiring sa Naga City.

Alagad, mientras na itinatao saiya an malomok na olonan, dae suboot napugolan ni Alcazar na haplason nin nagkapirang beses an saiyang lobot, na iyong ikinapungot kan victima.

Mientrastanto, an dae aram kan ipigreklamo na isinumbong siya sa ama-on na pulis, na may halangkaw na rango digdi, si ginibo saiya.

Huli kan sinambit na sumbong, pinaabangan kan opisyal na pulis an DLTB bus, asin pag-abot sa tungod sa ALDP Complex sa Naga City, ginawgaw inarestar na an ipigrereklamong driver-conductor.

Sa oras na sinusurat an baretang ini, si Alcazar yaon sa laog kan detention cell kan NCPO, nag-aatubang nin casong Acts of Lasciviousness.

Nag-apod na man siya sa manager kan DLTB bus tanganing maghagad nin tabang dapit sa problema.

Kan nakaolay kan mga imbestigador, pignegaran kan driver-conductor an sahot saiya kay daraga.

An daraga, sa ibong na lado, insistido na ipadagos an saiyang reklamo tanganing dae na pag-arogan an maraot na ginibo saiya. (Report ni Boyet Paderes)
Share:

SPECIAL OFFER

SPECIAL OFFER

Featured Post

Bogus tour operators in Bicol warned

DOT Bicol Regional Director Maria Ravanilla LEGASPI CITY 3/28/17 (Bicol Standard) — The Department of Tourism (DOT) Regional Office...