Friday, September 2, 2016

Dealer nin shabu sa Nabua, tinimbog kan pulis

NABUA, Camarines Sur September 2, 2016 (Bicol Standard) -- Dimalas si aldaw ni Mauricio Bergantin y Janson, taga Brg. San Isidro Poblacion, kan an napabakalan niya nin shabu iyo an paon kan pulis, sa buy-bust operation digdi.



Sabi sa record kan pulis, si Bergantin yaon sa halabang listahan kan mga imbuelto sa droga sa banwaan na ini, kaya saro siya sa pigbabantayan kan mga awtoridad.

Durante kan buy-bust operation kan sarong aldaw, dae na nakapalag an suspechado kan siya tulos pinosasan kan pulis, pirang minutos sana pagkagtapos na magbakal nin shabu sa nagpamalo-malong parabakal nin droga.

Nakua sa poder ni Bergantin an 1ng transparent plastic sachet na may laog nin shabu, asin iba pang mga gamit sa laog kan sarong kahon, na may heat sealed sachet na may laog nin maputing pulbos na pigtutubodan pang shabu.

Narecover sa saiyang posesyon an tulong pidasong P100, na ginamit bilang buy-bust money kan mga pulis.

Sinangatan siya nin casong pagbalga kan Sec 5 asin 11 kan Art. II kan RA 9165 sa Oficina kan Procurador sa Ciudad kan Naga.

Mientrastanto, nagpapadagos pa ngonian an agresibong kampanya kan mga awtoridad kontra sa droga, na pigtutubodan lakop nang entero sa banwaan na ini.

Enot pa kaini, an banwaan na ini iyo an saro sa mga lugar na sinasabing bagsakan nin illegal na droga, kan enot pang mga taon.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...