Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, September 5, 2016

Bakong bomba kundi gatas an laog kan bag na pigsuspechahan may laog na explosives

MASBATE CITY September 5, 2016 (Bicol Standard) – Wow, mali! – ini an maka-ngirit, alagad pwedeng magunuan nin adal kan mga tao, orog na sa panahon na naglilikay an gabos sa pwedeng efecto kan pagsakyada kan mga soldados sa Mindanao.



Sabi sa report, nagkasiribot an mga pulis digdi kan makarecibe sinda nin apod sa telephono hale ki PO2 Ernesto L. Enaje, na nagsasabe na may apat na mga dae nabistong lalaki an may i-winalat na dakulang “nylon bag”, sa Junrose Trading.

Namumugtak ini sa Sector 1, Quezon St., Brgy. Kalipay digdi.

Segun sa mga awtoridad, kan makaabot sainda an informasyon, hidaling nagresponde an mga pulis.

Ini para verificaron kun totoo an report, huli kan makahadit na sitwasyon sa nangyaring pagpaboag nin bomba sa Davao City, na ikinagadan nin 15 personas asin dakul na iba pa an nagkakurolgan.

Mientrastanto, bilang SOP (standard operating procedure) kan mga awtoridad, nagbugtak tulos sinda nin perimeter line na maserveng barrikada, para maging salvado an mga pwedeng mag-osyoso sa lugar.

Siring man, nagbugtak pa nin command post, para sa nasambit na ipigreport na problema.

Mientras na naghahalat kan pag-abot kan team kan Explosives and Ordinance Divicion (EOD) pinaseguro kan mga awtoridad na mayong mangyari remalaso, na pwedeng magresulta sa pagbuag nin bomba, kun totoo si sumbong.

Poco mas o menos alas 10:40 nin aga, pinabuag na kan mga miembros kan EOD si mga nakua ninda pigtutubodan na bomba.

Alagad, nabigla an mga awtoridad kan an laog kan dakulang nylon bag mga saradit na lata-lata, na an laog gatas na pulbos man sana.

Nagluluwas sa imbestigasyon na kan sinambit na aldaw, sinitar ni Kim Verano Esquillo, an kagsadire kan tindahan, an 4 na mga tao na naghapit sa sainda.

An sabi, nakilagan si 4, kaya marikas sindang nagdurulagan, walat si mga laog sa bag.

Mientrastanto, si mga dara-dara ninda iwinalat na lugod sa tindahan ni Kim.



Nadiskubre kan mga awtoridad na an pigkasiribotan na laog kan nylon bag mga pulbos na gatas sana man.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...