Monday, September 5, 2016

Babae, hinoldup mantang nakalunad sa jeep sa Bacacay, Albay

BACACAY, Albay, September 5, 2016 (Bicol Standard) Pig-iimbestigaran pa ngonian kan pulis digdi an sarong incidente nin suboot panholdup na nangyari kasubagong alas 4:00 nin hapon.


An victima iyo si Joy Solimiano y Bermillo, 22, daraga, taga Brgy. Salvacion, Tabaco City.

Sabi sa record kan pulis, si Solimiano suboot nakalunad sa pampasaherong jeep hale sa Malilipot Central School, pasiring sa Bacacay.

Segun sa pahayag kan victima, kan yaon na sa tungod kan Panarayum Bridge an saindang piglulunadan, an saro sa mga lalaking pasahero nagtukaw sa toong parte niya, mantang may duwang iba pang pasahero an nagtukaw sa atubangan niya.

Su lalaki na nagtukaw kataid niya, suboot nagtutok saiya nin matarom na bagay, sa saiyang likod. Kasabay kan pagtutok an tataramon na dae siya maghiro sa saiyang kinakamugtakan.

Mantang nagsasapo siya nin grabeng paghadit, binukasan kan lalaki an zipper kan saiyang back pack, asin kinua an dara niyang wallet na may laog nin P19,000.

Dae naghaloy, nagdulag an suspechado pasiring sa dae madeterminaran na direksyon.

An mga awtoridad naggigibo pa nin imbestigasyon hastang sa panahon na sinusurat an baretang ini.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...