Wednesday, September 14, 2016

Arkidiocesis nin Caceres, nakidumamay sa pagkagadan kan voyador

NAGA CITY, Septiembre 14, 2016 (Bicol Standard) -- Nakikidumamay an Arkidiocesis nin Caceres sa pagkagadan kan voyador na si Alan Medrano na taga-Canaman, Camarines Sur.

Traslacion 2016
Traslacion 2016
Kua ni Othelo Orpiada Padre/BICOLSTANDARD.COM
Ini segun sa oficial na pahayag na ipinaluwas kan Arkidiocesis ngonian na aga.

"An bilog na arkidocesis nakikisumaro sa saiyang bilog na pamilya sa pagpamibi asin pagdulot nin santa misa. Siya nagpahiling nin hararom na debosyon sa satong Mahal na Ina. Kita nagsasarig na lilindongan siya kan manto ni Ina," sabi kan pahayag sa Facebook.

Dinagdag pa kaini na "an magayon asin solemneng traslacion kan nakaaging Biernes nagpahiling kan hararom asin padagos na pagtalubong debosyon niato ki Ina asin Divino Rostro."

Maroromdoman na an voyador na si Medrano nagadan durante kan Traslacion kan siya magreklamo na nagkulang-kulang nin hinangos mantang nag-aatender kan prusisyon.

Nagpahimutik an Naga City Police Office na nagkaigwa nin stampede pakatapos na an baretang ini ireport sa national media.

Nagpaliwanag sinda na heneralmente, trangkilong maray an prusisyon, kun sain nagpartisipar an rinibong debotos ni Nuestra Senora de Penafrancia. (BICOLSTANDARD.COM)

Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...