Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, September 1, 2016

9 na bulan na bados na preso, nakadulag kan darahon sa BMC

NAGA CITY September 1, 2016 (Bicol Standard) -- Nagkakarap-karap pa sa paghanap hasta ngonian an mga mga guardya kan Tinangis Penal Farm, sa Pili, Camarines Sur, kan sinda dulagan kan 9 na bulan na bados na preso, na dinara sa Bicol Medical Center, sa Pangiban Drive, para mag-aki, kasoodma.



Sabi sa report sa pulis, si Elma Olaso-Dela Pena, sarong detinidong preso sa Tinangis Penal Farm nagpadara sa BMC, ta suboot maluwas na an saiyang dinadarong omboy sa tulak.

Si Olaso, sa tabang kan mga guardya dinara man tulos sa BMC.

Mayo lamang nin pagduda an mga bantay na ito na palan an panahon na saiyang pighahalat tanganing siya makadulag hale sa pagkakalangob sa carcel.

An susperchado may casong pagsuba (Estafa), na may Criminal Case No. 16-2480, na pigbibistahan sa jusgado.

Sabi sa record kan caso, an suspechado may agom, taga Brgy. Kamagong, Tinambac, Camarines Sur.

An saiyang bantay na guardya kan magdulag iyo si Liezel Villafuerte y Bello, na empleado kan gobierno provincial kan Camarines Sur.

Naglansar na nin lagdoan na paghaloghog kan mga lugar na pwedeng dagosan kan suspechado, na mismong pinapamayohan ni Marcos Rivero, na sarong retiradong oficial kan pulis.

May pagtubod an mga awtoridad na pwedeng yaon sana nagpahipli sa haraning residencia si Olaso ta dae na niya kakayahon na magdulag nin hararong distansya, huli kan saiyang kamugtakan.

Confirmado kan mga imbestigador na ano man na aldaw ngonian na bulan, maluwas na aking pigdadara kan nagdulag na preso, ta iyo na ini an saiyang kabulanan sa pag-aki.

Mientrastanto, an nadulagan na gwardya pinalakaw-lakaw ngona ni Rivero, mantang ginigibo pa an pagsiyasat kan mga pangyayari.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...