Friday, September 2, 2016

161 barangay officials sa Albay, nag-ako na naggagamit droga

LEGAZPI CITY September 2, 2016 (Bicol Standard) - Igwa na nin total na 161ng mga oficiales nin barangay an nagsuko sa mga awtoridad, huli kan kusog na kampanya kontra sa ilegal na droga.


Sa tiniripon na report, hasta ngonian na aldaw, sa 161ng nagsurrender na nag-akong imbuelto sa droga: 19 an mga barangay kapitan, 76 an mga kagawad sa barangay, 7 an treasurer, 3 an secretaryo, 54 an mga tanod asin may duwang iba pa an katungdan.

Sabi sa imbentaryo kan pulis, sa banwaan kan Oas an may pinakadakul na mga barangay officials an naggagamit nin droga.

An iba pang mga nasa listahan iyo an minasunod: Sa Guinobatan, 16; Polangui, 15; Libon, 15; Camalig, 13; Ligao City, 13; Bacacay, 9; Legazpi City, 8; Piodoran,8;Daraga, 7; Jovellar,7; Malinao,7.

Sa Rapu-rapu, 7; Malilipot, 5; Tabaco City, 4; Tiwi, 4; Manito, 2, asin sa Sto. Domingo, 1.

Mientrastanto, dapit sa numero kan mga ordinaryong ciudadano na nagsusurrender sa pulis, piglalaoman na madugang pa an numero sa mga masunod na mga aldaw.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...