Saturday, September 10, 2016

1 gadan sa buy bust sa Daet

DAET, CNorte September 10, 2016 (Bicol Standard)  Nagadan sa pakikibadilan sa mga tawohan kan pulis si Anthony Dacillo y Moreno, 41, residente kan Purok Ubas, Brgy. Gubat, digdi kasoodmang alas 11:00 nin aga.


Susug sa imbestigasyon, naglansar nin buy-bust operation an mga awtoridad na an target iyo si Dacillo.
Nag gamit an pulis nin tawohan ninda na nag-saguin-saguin na parabakal nin shabu sa victima.
Alagad, nakamalesya an victima na tawohan kan pulis si saiyang naging katransaksyon, kaya bigla siyang nagdalagang papuli sa saindang harong tanganing kuahon si saiyang saray na calibre .45 badil, para makipaglaban.
Nagluluwas sa pulis report na napurohan nin tama nin bala an victima sa saiyang pakiribayan nin putok sa mga awtoridad, kaya siya binawian nin buhay sa lugar na pinangyarihan kan incidente.
Nakua kan mga miembros kan SOCO hale sa suspechado an sarong calibre .45ng pistola na may trademark na Coll Government Model na may Serial No. 65934, na may sarong live ammunition na nasa laog kan chamber asin 5ng iba pang bala sa laog kan magazine.
Afuera kaini, igwa pang shabu, kantidad P8,222.20, 14ng asin may iba-ibang clase nin mga llave an an yaon sa laog kan bulsa kan ni Dacillo.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...