Sunday, September 25, 2016

# 1 drug pusher sa Sorsogon, nadakop na

IROSIN, Sorsogon September 25, 2016 (Bicol Standard)  An pig coconsiderar na No. 1 sa Sorsogon na para tinda nin illegal na droga nadakop man guiraray kan mga awtoridad kasoodma, poco mas o menos alas 3:30 nin hapon, digdi.



An pinag sararong fuerza kan mga tawohan kan Philippine Drug Enforcement Agency (PDEA) asin pulis an nagtapos kan halawig nang panahon na pagbariwas nin shabu sa man laen-laen na banwaan sa Sorsogon.

Por medio nin buy bust operation, tinuklo kan mga pulis si Romeo Belen Ginga alyas Taya, 39, mayong trabaho, asin nag eestar sa Brgy. Mapaso, digdi.

An sabi sa report, nagpabakal si Belen nin shabu sa sarong pulis na nag-sagin-sagin na mabakal kaini, kaya siya tulos dinakop kan mga awtloridad.

Nakua sa poder kan suspechado iyo an kanditad P500 na ginamit bilang “marked money”, asin sarong pidado nin heat sealed transparent plastic sachet na pigtutubodan na an laog shabu.

Afuera kan shabu, nakakua pa an mga pulis nin plastic sachet na may laog nin marijuana.

Segun sa deklarasyon ni PCI Edwin Corona Adora, an hefe kan pulis sa banwaan na ini, an mga evidencia na nakua ninda hale sa suspechado an pogol ngonian kan mga awtoridad.

Maatubang nin casong pagbalga sa Sec 5 asin 11 kan RA 9165 an suspechado.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...