Monday, August 15, 2016

Tulak nin shabu, rinamalan sa buy-bust operation sa Daet

DAET, Camarines Norte August 15, 2016 (Bicol Standard) – Apisar kan bantog nang maray na higot na kampanya kan mga awtoridad kontra sa illegal na droga, lantadan pa guiraray an pagbalga sa nasambit na ley.



Kasubago, alas 2:00 nin hapon, nadakop si Ronnie Malaborlabor y Pimentel, 32 anyos na residente kan Purok 2, Brgy. Lag-on sa banwaan na ini, sa aktong nagpapabakal nin shabu sa sarong tawohan kan pulis.

Nakua sa suspechado an duwang heat sealed na plastic sachet na may laog kan pig tutubodan na pulbos na shabu, asin an ginamit na marked money na kantidad P500 bilang buy-bust money.

An suspechado dinara tulos sa hepatura kan pulis para sa magkakanigong imbestigasyon.

Sasangatan siya nin kasong pagbalga sa Anti Illegal Drugs Act of 2012.

An mga miembros kan Criminal Intelligence and Detection Team (CIDT) PDEA 5 na pinapamayohan ni SPO4 Leoncio E. Garfin iyo an nag gibo kan plano tanganing madakop sa aktong nagpapabakal nin droga an suspechado.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...