Tuesday, August 9, 2016

Paratindang shabu sa Triangulo, Naga City, dinakop na



NAGA CITY August 9, 2016 (Bicol Standard) –“Dakop ka.”

Ini an makusog na pagrokyaw kan mga pulis digdi kan saindang rinamalan si Ronilo Suarilla y Ubante, 55, taga Zone 1, Poblacion, Del Gallego, Camarines Sur, na haloy nang pigsasahotan na makusog magpabakal nin shabu digdi.

Si Suarilla, nagpabakal nin droga sa sarong pulis, na nagsagin-sagin na dorogista, sa Zone 3, CBD service road, sa Brgy. Triangulo digdi.

An entrapment operation nangyari poco mas o menos alas 9:00 kasubanggui, sa nasambit na lugar.

Sabi sa report, an pulis nag bakal ki Suarilla nin shabu na kantidad P16,000.

Ginamit kan pulis na pambayad sa babakalon na shabu an mga ginunting na papel na may ipinatong sa ibabaw na tunay na cuartang papel na P500.

Pagkatapos sanang gawgawon ni Suarilla an entrapment money, saka nag arabotan na si mga pag-iribang awtoridad para arestaron an suspechado.

Afuera kan binultong shabu nakua sa poder ni Suarilla, nakua pa saiya an 2ng cellphone.

Sa presente, an suspechado dinara sa hepatura kan pulis para sa pagpadagos kan imbestigasyon.

Sasangatan si Suarilla nin casong pagbalga kan R.A. 9165, na mas bantog sa apod na Dangerous Drugs Act of 2002.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...