Friday, August 26, 2016

Speaker Alvarez, mawot i-postpone an barangay, SK election sa Oktubre

MANILA August 26, 2016 (Bicol Standard) – Mawot ni Speaker Pantaleon Alvarez na i-oktaba an nakatalaan na election an election sa barangay asin Sangguniang Kabataan sa Oktubre 31.


Ini an saiyang sinabi kasoodma sa mga reporters durante kan budget hearing kan fundo para sa Department of Agriculture.

Ipinahayag ni Alvarez na hasta ngonian dae pa na-cocompleto ni Presidente Duterte an pagnumbra kan mga oficiales kan gobierno. Kun magkakaigwa nin election, prohibido sa lindong kan ley na mag numbra an presidente. Siring man, dae pwede na maghale o magribay nin mga empleado sa gobierno, sabi pa ni Alvarez.

Maroromdoman na kan sarong aldaw sana, an presidente nag paluwas nin Memorandum Circular na nagmamanda sag abos na mga pignumbrahan na mga oficiales ni dating Presidente Benigno Aquino III na magdemitir na sa saindang mga pwesto.

Afuera kaini, magastos nin dakulang kantidad nin cuarta an gobierno kun idadagos an election ngonian na taon, sabi pa kan speaker.



Mientrastano, sinabi ni Alvarez na an camarabaha asin an senado igwa pa nin bastanteng panahon tanganing mag aprobar nin joint resolution o bill sa pagpostpone kan election sa Oktubre.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...