Sunday, August 14, 2016

Shabu dealer, tumba kan makibadilan sa pulis sa Labo

LABO, CAMARINES NORTE August 14, 2016 (Bicol Standard) – Tulos binawian nin buhay si Rommel Luminario, a.k.a Omeng kan siya makibadilan sa mga pulis na nag conducir nin buy-bust operation sa Brgy. Masalong, sa banwaan na ini kasubangui.


Sabi sa report kan pulis, an victima marikas na nagbunot kan saiyang badil, na cal .30ng revolver kan makamalesya na si saiyang pinabakalan nin suboot droga, pulis palan.

Nangyari an incidente poco mas o menos alas 11:15 kasubangui.

Nakua sa poder kan victima iyo an sarong cal. 38ng revolver, nagkapirang sachet nin pig tutubodan na shabu, si ginamit na buy-bust money asin iba pang drug paraphernalia.

Si Luminario haloy nang pig susunod kan mga miembros kan Criminal Investigation and Detection Team (CIDT) huli sa saiyang lantadan na pagpabakal kan ipinagbabawal na droga.

An mga evidencia na nakua hale sa suspechado an dinara kan mga miembros kan SOCO sa saindang oficina.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...