Saturday, August 27, 2016

Sari-sari store, sinalakat sa Bombon, Cam Sur

BOMBON, Camarines Sur August 27, 2016 (Bicol Standard) –Nalalay an kantidad P30,000 hale ki Roberto Maldo y Sibuc, kagsadire nin sari-sari store asin Smart Padala Outlet kan siya salakaton nin tulong mga dai bistong mga lalaki.



Nangyari an incidente sa Sitio Manayao, Brgy. Siembre kasubanggui, poco mas o menos alas 7:00.

Sabi ni Maldo sa mga imbestigador, may tulong lalaki na nagdulok saiya, dangan, mantang nakatukok kan saindang armas na badil, pirit na hinagad saiya an sinambit na kantidad nin cuarta, na iyo si saiyang pugol na cuarta kan oras na ito.

Duwa sa mga nagholdup saiya an suboot may sukbit na halipot na armas na badil.

Pagkatapos na makua saiya an sinambit na kantidad, marikason na nagpaharorot kan saindang service na motorsiklo padulag, pasiring sa dae niya maaraman na direksyon.

An mga holdupper nag gamit nin color pulang motorsiklo sa saindang pagdulag.

Antes na maghale an mga para salakat nagpaputok sinda nin sarong bala na an direksyon pasiring sa daga man sana.

Nakua kan mga imbestigador an sarong baseyo nin bala hale sa dae pa maaraman na calibre nin badil.

Sarong hot pursuit operation an ipiglansar kan pulis, alagad hastang sa pigsusurat an baretang ini, mayo pang resulta an esfuersos kan mga awtoridad na mabisto o maarestar an mga responsable sa krimen.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...