Wednesday, August 24, 2016

Most Wanted sa Kidnapping for Ransom with Homicide, dinakop sa San Fernando

SAN FERNANDO, Camarines Sur August 24, 2016 (Bicol Standard) - Dinakop dangan pinusasan kan mga miembros kan Anti-Kidnapping Group (AKG) hale sa Campo Crame, Quezon City si Hilario Benosa y Bruso, taga Zone 5, Brgy Pinamasanan, na suspechadong imbuelto sa kasong Kidnapping for Ransom with Homicide.



Si Benosa haloy nang hinahanap kan mga awtoridad huli sa pinaluwas na mandamiento de arresto na firmado ni Judge Maria Nena J. Santos, kan Branch 171 kan RTC duman sa National Capital Region (NCR).

An suspechado nasa listahan kan Anti-Kidnapping Group na ika 10 sa Most Wanted na persona, huli sa inaatubang na kaso.

Nangyari an krimen sa Valenzuela City.

An isinangat na kaso kontra ki Benosa nakapalaman sa Criminal Case No. 987-V-15, para sa pagbalgar kan Art. 267 kan Revised Penal Code, as amended o inaapod na Kidnapping for Ransom with Homicide.

“No bail recommended” an kasuguan kan jusgado sa suspechado huli sa gabat kan caso na saiyang inaatubang.

An arestadong suspechado dinara kan mga awtoridad para panimbagon kan akusasyon kontra saiya.

Si Benosa, inarestar sa laog kan saindang residencia sa Pinamasagan, kan Agosto 22, alas 7:30 nin banggui.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...