Monday, August 29, 2016

Pulis kan Mercedes, inarestar an sarong drug pusher

MERCEDES, Camarines Norte August 28, 2016 (Bicol Standard) –Inarestar kan pinagsararong tawohan kan CIDG, PDEA asin mga elementos kan Mercedes PNP si Crispin Cebuano Jr y Bautista, alyas “Pamahaw”, sa buy-bust operation kasubagong aga, poco mas o menos alas 10:30.


Nangyari an pagdakop ki Cebuano sa Purok 3, Brgy 7, sa banwaan na ini.

Base sa record kan pulis, an arestado nasa listahan kan mga awtoridad bilang No. 8 sa drug watch-list digdi.

Mientrastanto, nakua sa saiyang poder an sarong pidasong sadit na heat sealed transparent plastic sachet na may laog nin pigtutubodan shabu. 3ng pidasong P100 na ginamit bilang buy-bust money, asin igwa pang cash na P500 sa saiyang bulsa.

An mga nakumfiscar na evidencia sa saiyang lawas an dinara kan mga awtoridad sa hepatura kan pulis para gamiton na evidencia sa pagsangat nin caso contra sa suspechado.

Pighahanda na ngonian an casong pagbalga sa ley dapit sa illegal na droga.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...