Monday, August 22, 2016

Paratindang shabu sa Daet, nadakop

DAET, Camarines Norte August 22, 2016 (Bicol Standard)  -- Apisar kan maigot nang maray na kampanya kan mga pulis kontra sa ipinapangalad na droga, nagpadagos pa guiraray si Allan Ebona y Carrascal, sa pagpabakal nin shabu digdi.



Alagad sa tarabang na operason kan mga awtoridad, nadakop man guiraray an si Ebona, por medio kan ikinasang buy-bust operation, alas 9:35 nin banggui, kan Sabado.

Sabi sa report, nahulog sa kamot kan mga operatibas kan gobierno an suspechado sa P2 Brgy. Camambugan digdi.

Nakua sa saiyang poder an 11ng pidasong transparent plastic sachet na may laog nin pigtutubodan na shabu asin an kantidad P500 na ginamit bilang buy-bust money sa sinambit na operasyon.

An iba pang mga narecover sa suspechado iyo an cellpone, cash na P1,132; asin iba pang mga drug paraphernalia.

Dinara siya kan mga awtoridad sa hepatura kan pulis tanganing imbestigaran.

Pighahanda na an caso na isasangat kontra saiya na pagbalga kan Dangerous Drugs Act of 2002.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...