For immediate hiring

For immediate hiring

Monday, August 15, 2016

Paratindang shabu sa Buhi, nadakop kan pulis

BUHI, Camarines Sur August 15, 2016 – (Bicol Standard) – Nahulog naman guiraray sa kamot kan mga awtoridad si Donnis Naranjo y Arcilla, 41 anyos, na taga Brgy. Sta. Elena sa banwaan na ini por medio kan guinibong buy bust operation kasubanggui.



Sabi kan mga awtoridad, poco mas o menos alas 3:30 nin hapon kan mag positibo si ginibong buy bust operation sa suspechado na nadakopan nin apat (4) na heat sealed transparent plastic sachet, na may laog nin shabu.

Ginamit kan mga miembros kan PDEA 5 an kantidad P300 para magbakal kan pig babawal na bulong sa suspechado, na marikas na nagduhol tulos kan illegal na droga sa kasapakat kan pulis na parabakal.

An suspechado, haloy nang nasa listahan kan mga pusikit nang paratindo nin shabu sa banwaan na ini, asin sa kataid na mga barangay.

Afuera kan mga illegal na droga, nakua pa saiya an marked money na kantidad P300 na ginamit sa pagbakal kan droga.

Yaon na ngonian sa hepatura kan pulis si Naranjo tanganing imbistigaran asin sangatan nin caso sa pagbalga sa ley na inaapod Anti Illegal Drugs Act of 2002.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...