For immediate hiring

For immediate hiring

Thursday, August 11, 2016

Number 1 drug personality sa Viga, Catanduanes, binadil

VIGA, Catanduanes Agosto 11, 2016 (Bicol Standard) –Irido si Sammy Rojas y Tulalian na idinalagan sa Viga District Hospital kasubangguing poco mas o menos alas 8:10 huli sa tama nin bala sa saiyang likod.



Siya nagtatrabaho bilang Administrative Aide I sa Central School digdi.

Sabi kan mga imbestigador, si Rojas iyo an pigcoconsiderar na pinaka pusikit na persona na imbuelto sa ilegal na droga na nag-ooperar sa banwaan na ini.

Sa record kan pulis, an victima iyo an number 1 na high value target na drug personality digdi.

An nagbadil saiya, dae bistadong tawo na nakasakay sa motorsiklo.

Mientrastanto, huli sa peligro na dara kan tama kan bala, si Rojas, ibinalyo sa EBMC, pag hale sa Viga District Hospital, tanganing duman ipabulong.

Pagkatapos na mabadil an victima, an mga suspechado marikas na nagdurulag pasiring sa dae madeterminaran na lugar.

Hasta ngonian,si Rojas pigbubulong pa sa hospital.

An krimen nangyari sa Barangay San Jose Poblacion, sa banwaan na ini.

Pig-aaram pa ngonian kan mga awtoridad kun ano an motibo sa sinambit na krimen.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...