Friday, August 26, 2016

No. 6 na Most Wanted sa Sorsogon City, nadakop na

BASUD, Sorsogon City August 26, 2016 (Bicol Standard) – Nahulog na sa mga awtoridad an pigcoconsiderar na No.6 sa listahan kan Most Wanted na persona digdi, kasoodma, alas 12:10 nin odto.



Dinakop kan mga pulis si Renato Jintalan y Adriatico alyas “Ato”, sa bisa kan mandamiento de aresto na firmado ni Judge Bernardo R. Jimenez, an Acting Presiding Judge kan Branch 51 kan RTC digdi.

Si Jintalan nag-aatubang nin caso sa jusgado sa pagbalga kan Sec 5b na may relasyon sa Sec 31c kan Republic Act 7160.

An casong ipigplantear may recomendadong P200,000 na fianza sa kada kasong saiyang inaatubang para sa saiyang temporaryong libertad.

Duwang caso an inaatubang ni Jintalan, sa lindong kan CC Nos. 2016-9866 hasta 2016 9868 na pendiente ngonian sa sanga kan Regional Trial Court digdi.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...