Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, August 31, 2016

Negosyante, binadil sa Balud, Masbate

BALUD, MASBATE August 31, 2016 (Bicol Standard) Binadil nin mga dae nabistong mga lalaki si Antonio Andeo Jr. y Agagon, 51, negociante digdi, asin residente kan Brgy. Calumbang.


An mga imbestigador nagsabi na an victima enot naheling sa laog kan plaza kan sinambit na barangay para mag atendir kan celebrasyon kan Buwan ng Wika.

Alagad, an victima naglakaw pasiring sa guilid kan baybayon digdi.

Pirang minutos sana an naka-agui, pinapusngakan na tulos siya nin badil asin tinamaan sa nagkapirang parte kan saiyang lawas.

Nareparo kan mga doctor na an nagtabang bala ki Andeo, nagtadom sa saiyang daghan, likod asin sa saiyang pa-a.

Nangyari an krimen poco mas o menos ala 1:00 nin mag-omagahon kan fecha 30, ngonian na bulan.

Tulos idinalagan sa Municipal Hospital kan Balud an victima tanganing ipabulong.

Huli kan seryong tama nin bala sa saiyang lawas, ibinalyo an victima sa Provincial Hospital kan Masbate para mabulong.

An ginamit kan mga nagbadil sa victima iyo an calibre .45 na pistola, base sa mga nakuang capsula nin bala na nagwarak sa lugar kan krimen.

An motibo sa pagbadil sa victima an pig-aaram pa kan mga imbestigador.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...