For immediate hiring

For immediate hiring

Monday, August 22, 2016

Lalaking imbuelto sa pag-ikit, pangikil, dinakop sa Naga City

NAGA CITY August 22, 2016 (Bicol Standard) -- Maatubang nin caso criminal na Theft asin Extortion si Vincent Lacunda y Ortega, taga Zone 5, San Felipe, susug sa reklamo ni Czar Kenneth Dela Roca y Juarez.

Si Dela Roca 19 anyos, taga Poblacion Iraya, Ragay Camarines Sur, alagad temporaryong nag-eestar sa Blk 35, Lot 10, Villa Karangahan Subd., San Felipe Naga City.



Sa reklamo kan victima, an suspechado pirit na naghagad saiya nin kantidad P300 para ibalik an nawara niyang cellphone, na suboot yaon sa suspechado.

Sabi ni ni Dela Roca, nawara an saiyang cellphone na ibinugtak niya sa bulsa kan saiyang backpack. Ini may valor na P8,500.

An duda kan victima, hinabon ini na dae niya namalesyahan.

Mientrastanto, alas 5:30 nin hapon kan sarong aldaw, naka recibe nin text sa saro niyang cellphone, na hinahagadan siyang kantidad P300 para ibabalik saiyang gamit.

Sa paagui kan Smart Padala Accoint No. 5299-722-9062-5123 na ipinadara kan suspechado, naghulog siya nin kantidad P500 sa paglaom na makakabalik an saiyang nawawarang gamit.

Alagad, dae saiya ipig oli an celphone, kaya naghagad siya nin tabang kan pulis.

Sa ginibong entrapment operation, dinakop kan mga awtoridad an suspechado mantang yaon sa akto na kukuanon na kuta si padarang cuarta sa Smart Padala.

Inarestar kan mga pulis si Lacunda sa M.B. Store sa San Felipe, mantang pig rerecibe an cuartang hale sa victima.

Nakua hale sa poder kan suspechado an kantidad P500 asin an sarong cellphone na pagsasadire kan victima.

An reklamo kan victima ipigplantear na sa Prosecutor’s Office digdi.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...