Saturday, August 13, 2016

Nagtindang shabu, dinakop sa Nabua

NABUA, Camarines Sur August 12, 2016 (Bicol Standard) – Nahulog na sa kamot kan mga awtoridad si Crispin Tomenio y Cabreras, 36, may agom, taga Topas, na saro sa pigtutubodan paratinda nin shabu sa banwaan na ini.


Sa ginibong buy-bust operation, nadakop an suspechado mantang nagpapabakal kan ipigbabawal na bulong.

Sarong lalaki na tawohan kan mga pulis asin nagsagin-sagin na parabakal nin droga an napabakalan ni Tomenio kan puting pulbos na pigtutubodan shabu.

Nakua sa saiyang poder iyo an mga heat-sealed plastic sachet na shabu; plastic container na may laog nin limang heat transparent plastic na may laog nin droga, asin tulong pidasong P100 na cuarta na ginamit na buy-bust money.

Yaon ngonian sa poder kan mga awtoridad sa hapatura kan pulis an suspechado, mantang pighahanda an caso na isasangat contra saiya.

Pagbalga kan Dangerous Drugs Act of 2002 an kasong aatubangon kan suspechado, sabi kan imbestigador.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...