Monday, August 15, 2016

Mahabas kan motorsiklo kan pulis sa Legazpi City, nadakop

LEGAZPI CITY August 15, 2016 (Bicol Standard) – “Dakop ka." Ini an nangyari ki Walter Nunez y Miranda, taga P-1 Brgy. Abre, digdi, na tinuklo kan pulis mantang nasa akto na ipigtutulod na kuta an motorsiklo na gamit ni PO1 Elino Montemayor y Soriano, na taga Brgy. 2, EM Bario, sa ciudad na ini.



Susug sa record kan pulis, an incidente nangyari sa Brgy Sabang digdi.

Sabi sa imbestigasyon, an suspechadong si Nunez suminangkay na sa pulang Kyamko 110 na motorsiklo, na may plate number 2964 EZ na rehistrado sa pangaran ni Abelardo O. Banda, na taga Sto. Domingo, Albay.

Pirang beses nang binirahan kan suspechado an motorsiklo tanganing paandaron. Alagad, maswerteng dae ini napa andar.
Mantang habong mag start an vehiculo, itinulak na sana ni Nunez an motorsiklo. Pero, inabotan na siya ni PO1 Montemayor.

Sabi kan pulis, ipig walat niya an motorsiklo sa guilid kan tinampo na mayong nagbabantay para bisitahon an saiyang amigo nin pirang minutos sana man.

Kan naheling kan suspechado na daeng nagbabantay sa vehiculo, marikas na sinangkayan ini para habason.

An suschado sasangatan nin casong Carnapping, huli sa nangyari.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...