Sunday, August 21, 2016

LIBMANAN: 'Alyas Palaka' na tulak nin ilegal na droga, dakop na

LIBMANAN, Camarines Sur, August 21, 2016 (Bicol Standard) - Hinaloghog na kan mga pulis an pigdadagosan na harong ni Jeffrey Loza y Royales, na mas bisto sa bansag na "Palaka" asin Armando "Aman" Royales y Bataller, sa bisa kan search warrant na firmado ni RTC Judge Irma Isadora Boncodin-Zamudio kan Branch 57 sa banwaan na ini.


Si Loza dati nang nagsurrender sa pulis kan enot na mga aldaw sa pinaisog na kampanya kontra sa paglakop kan ilegal na droga.

Alagad, apisar kan saiyang sinumpaan na documento, nagpadagos pa guiraray siya sa pagtinda nin droga, kaya ginibo an pagrekisa kan saiyang pig-eestaran na lugar.

Sabi sa report, alas 7:34 nin banggui linaog an pigdadagosan na harong ni “Palaka.”

Sa pagrekisa kan laog kan residencia, nakakua an mga pulis sarong transparent sachet na may laog nin pigtutubodan shabu.

An sinambit na persona yaon sa listahan kan mga agit-agitan na para tinda nin droga sa banwaan na ini.

Mientrastanto, si Royales, na saro pa sa mga target kan nasambit na operasyon, mayo sa nasambit na lugar.

Pighahanda na kan mga awtoridad an kaso na isasangat kontra ki “Palaka” sa pagbalga kan Dangerous Drugs Act of 2002.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...