Lalaki, binadil sa Masbate City

MASBATE CITY August 17, 2016 (Bicol Standard) -- Basta na sanang binadil kan duwang lalaki na nakalunad sa sarong motorsiklo si Marlon Laurio y Arizala, 37, residente kan Purok 2, Brgy F. Magallanes digdi.


An mga imbestigador nagkakalap pa ngonian nin mga evidencia kun tano ta ginadan an nasambit na victima.

Sinabi sa report na an duwang suspechado, dinulok an victima dangan pinutokan kan saindang darang badil, na dae pa aram kun anong calibre.

Mientrastanto, huli kan lagartong tama sa hawak kan victima, nagadan tulos ini sa lugar na pinangyarihan kan incidente.

An mga suspechado nagdulag tulos pasiring sa dae pa maderterminaran na direksyon.

Start typing and press Enter to search