Friday, August 26, 2016

Lalaki, bados na babae, rinatrat sa Claveria, Masbate

CLAVERIA, MASBATE August 26, 2016 (Bicol Standard) – Binadil nin mga dae nabistong mga lalaki si Raul Gueta y Gomez alyas "Rap-rap" asin saro pang bados na babae, na dae pinangaranan kan pulis, mientras na nakasakay sa Princess AJ, na sarong banka na nagbabyahe pasiring sa Masbate City hale sa banwaan na ini.


An incidente nangyari poco mas o menos alas 11:30 nin aga, kasoodma sa Brgy. Quezon, digdi.

Sabi sa spot report an mga suspechado nakasakay sa sarong sadit na sakayan na de motor.

Pina-arak-asakan tulos nin bala hale sa mga makukusog na armas an mga victima, na iyong rason kun tano ta nagsapo sinda nin mga tama nin bala sa saindang lawas.

Mientrastanto, idinalagan sa Legazpi City an mga victima para ipabulong.

An mga ginamit na armas sa krimen mga haralangkaw an calibre, na biyong pina-arak-asak sa mga victima.

Mantang sinusurat an baretang ini, mayo pang malinaw na informasyon kun sisay an mga responsable  sa krimen.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...