Tuesday, August 16, 2016

Ficelco GM Amaro nagpaliwanag kan problema sa kuryente sa Catanduanes

VIRAC, Catanduanes, August 16, 2016 (Bicol Standard) – An problema kan parateng pagpuro-palsok kan supply kan kuryente digdi an saro sa mga ipig-aangrangay kan mga tawo sa islang provincia kan Bicol, sabi kan mga consumedores.
FICELCO

Sa intrevista sa Radyo Natin kasuodma, sinabi ni Engr. Peter Amaro, an OIC General Manager kan First Catanduanes Electric Cooperative (FICELCO) na naraot an sarong unit kan Marinawa Diesel
Power Plant, kaya pigrereparo ninda an mga gensets.

Nagkakaigwa man suboot nin pag-overload kan mga planta sa Solong asin Balongbong, dugang pang paliwanag ni Amaro.

Mientrastanto, pigconfirmar pa kan OIC General Manager na ngonian na bulan na Agosto, piglalaoman na magkakaigwa nin nagkapirang mga power interruptions huli sa ginigibong line maintenance, kabale na an pagribay kan mga raot o may deferenciang mga poste kan kooperatiba.

Laen pa kaini, nagkakaigwa man ngonian nin mga proyekto sa pagpahiwas kan mga tinampo, na pwedeng maging causa kan pagkaigwa nin mga brown out.

Idinagdag man ni Amaro na kan Agosto 10, ngonian na taon, nagtapos na an kontrata kan Monarch sa Ficelco.

Sa presente, operational na an tulong mga gensets kan Marinawa Diesel Power Plant, na makaka-ayuda sa supply kun magkaigwa nin problema.

En caso kulang pa, an Suweco pwede pang makatabang sa paghipno kan kakulangan nin kuryente sa isla.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...