Wednesday, August 31, 2016

Eskwelahan sa Pio Duran, linimas an gamit kan mga parahabas

PIO DURAN, ALBAY August 31, 2016 (Bicol Standard) - Dae pinatawad si mga kagamitan sa laog kan La Medalla Elementary School sa banwaan na ini kan laogon an saindang edificio kan mga pusikit na parahabas sabi sa report na nakaabot sa mga awtoridad.



An mga dorobo nag-agi sa likod na parte kan eskwelahan por medyo kan pangrapak kan bintana na iyong nagserveng agihan sa pagtabag kan mga hinabasan na mga kagamitan.

Nalalay kan mga mahabas an sarong unit na 21-inch TV, na nagkakantidad PP8,500, tulong extension wires na may valor na P500; AVR na kantidad P1,500 asin sarong laptop cool fan na may kantidad P500.

Mayong nakaheling kan incidente, kaya hasta sa presente naghihinirib pa an mga oficiales kan barangay asin eskwelahan kan kaggibo kan krimen.

An pulis sa banwaan na ini nagpatanid sa mga tawo na pwedeng mapabakalan kan mga hinabasan na gamit, huli ta igwa nin pwedeng atubangan na caso kriminal, an pagbakal nin mga hinabasan.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...