Saturday, August 20, 2016

No. 4 sa watchlist kan pulis na imbuelto sa shabu, nadakop sa Claveria, Masbate

CLAVERIA, Masbate August 20, 2016 (Bicol Standard) –Pakalihis nin matyadang maray na pagsusug kan guira ni Julios “Dagong” Ducot y Manalo, an sinasabing ika-4 sa watchlist na imbuelto sa pagpabakal nin droga digdi, nahulog man guiraray siya sa kamot kan mga awtoridad.


Base sa report, an pinagsarong fuerza kan mga pulis an naging dalan tanganing matimbog na an suspechado sa ginibong buy-bust operation.

An plano kan mga awtoridad na paonan nin mabakal na shabu si Manalo iyo an naging mitsa para siya madakop mantang nasa aktong nagbabalidya kan pigpapangalad na droga.

Nakua sa suspechado an anom na heat-sealed plastic sachets na may laog nin puti na pubbos, na pigtutubodan na shabu, naka rolyong aluminum foil, sarong lighter asin an kantidad P500 na ginamit na buy-bust money sa sinambit na operasyon.

An nakuang cuarta sa suspechado iyo si cuartang may dati nang marka kan mga awtoridad.

Nangyari an buy bust operation sa San Fernando St., Poblacion District 2 sa banwaan na ini.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...