Saturday, August 27, 2016

Menor de edad, dakop sa pagsukbit nin badil sa Cawayan, Masbate

CAWAYAN, MASBATE August 27, 2016 (Bicol Standard) – Sarong menor de edad na taga Brgy. Poblacion digdi an maatubang nin casong pagbalga sa Republic Act 10591 (Illegal Possession of Firearms), huli ta siya nadakop kan mga awtoridad na may sukbit nin badil, na dae man awtorisado.


Sabi kan mga imbistigador, mantang naggigibo sinda nin regular na pagcheckpoint kan mga nag aaraging vehiculo, pinara ninda an sarong itom na Bajay CT 100 na motorsiklo na an plaka “For Registration”, asin pig mamaneho ni Jonmar Mandawe y Dejito.

An nasambit na driver, 17 anyos pa sana.

Kasuno niya sa motorsiklo iyo sinda Dominador Pelones y Pedrano, 17 anyos, estudyante sa Madbad High School asin sarong nag ngangaran na Dioretes.

Sinda gabos mga residentes kan Brgy. Poblacion digdi.

An duwang nakasunod ki Mandawe marikas na nakadulag, mantang ginigibo kan mga awtoridad an imbestigasyon.

Mientrastanto, nakua kan mga pulis hale sa poder ni Mandawe an sarong calibre .38ng revolver, na mayo nin serial number, asin may karga nin sarong bala.

An inarestar na persona an dinara sa hepatura kan pulis para imbestigaran.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...