Friday, August 12, 2016

SA CAPALONGA | 17 anyos na daragita, tinadtad nin taga, gadan

CAPALONGA, Camarines Norte, Agosto 12, 2016 (Bicol Standard) -- Orog pang pinahiwas asin pinararom an pagsiyasat kan kasong paggadan kan sarong 17 anyos na daragita, na nakuang saro nang bangkay, tadtad nin taga sa manlaen-laen na parte kan saiyang lawas.


An victima nabisto sa pangan na Aivy Camora y Menion, Grade 9, asin estudiante sa Delia Diezmo National High School.

Sabi sa report, nadukayan na mayo nang buhay na hawak kan victima, poco mas o menos alas 4:40 nin hapon sa Prurok 5, sa Brgy. Mactang, digdi.

Idinagdag sa report na papuli na sa saindang residencia an victima kasoodmang alas 4:00 nin hapon kan siya hinipaan kan paragadan, dangan pigparataga.

Dinara pa kuta sa hospital an may lugad na lawas kan victima, alagad, mayo na siya nin hinangos.

An pulis digdi nagtitipon pa nin mga informasyon asin evidencia na pwedeng magtaong giya sa pagkabisto kan kriminal.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...