Sunday, August 21, 2016

Buy-bust sa Naga City, 1 an gadan

NAGA CITY August 21, 2016 (Bicol Standard) – Mayo na nin buhay si Pablito Ona y Hernandez, taga Barangay Carolina, kan darahon an saiyang hawak sa Our Lady of Lourdes Infirmary digdi kasubanggui.


Susug sa report, poco mas o menos alas 7:25 kasubanggui, an mga tawohan kan Naga City police katuwang an Regional Anti-Illegal Drugs Special Operations Task Group (RAIDSOTG), nagconducir nin buy-bust operation ki Pablito Ona sa paagui kan nag-saguin-saguin na parabakal nin shabu.

Matruimfo na pinabakalan an asset kan police nin shabu. Alagad, pirang minuto sana an nakalipas pakatapos na gawgawon kan kantidad P500 na buy bust money, naka malesya na mga awtoridad si saiyang naging ka-transaksyon.

Huli kaini, si Ona marikas na nagbunot kan saiyang badil, na sarong cal. 38 na revolver asin pinaputokan an poseur buyer na sarong pulis.

Nalikayan kan pulis an bala.

Sa puntong ini, saro pang pulis, na saro sa kaibahan sa operasyon an napiritan na himungiton si Ona, an tinamaan sa saiyang hawak.

Bandang alas 8:05 nin banggui kasubangui, ipigdeclarar na gadan na si Ona ni Dr. JP Reazon, an nakadistinong doctor sa Our Lady of Lourdes Infirmary digdi.

An team kan SOCO na hale sa Camarines Sur Crime Laboratory Office an nagconducir kan Crime Investigation.

Nakua ninda an minasunod na mga evidencia: sarong calibre .38 na revolver; tulong live ammunition para sa calibre .38; cash na kantidad P606.50; pitong heat-sealed transparent plastic sachet na may laog nin pigtutubodan na shabu; asin duwang baseyo nin bala hale sa cal 9mm.

An mga nakuang evidencia sa lugar na pinangyarihan kan krimen an dinara kan team kan SOCO para examinon.

An bangkay ni Ona dinara sa Cristo Funeral Homes sa San Rafael, Cararayan.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...