Sunday, August 7, 2016

Bus nahulog sa hampas, 18 an irido

BASUD, Camarines Norte August 7, 2016 (Bicol Standard) – 18ng personas kabale an driver kan Win Bus na may plate number EVP 624 an inagapan asin idinaralagan kasuodmang hapon sa Camarines Norte Hospital asin an iba sa Sipocot District Hospital kan aksidenteng makalampaw ini sa sarong hampas.


Sabi kan mga imbestigador, poco mas o menos alas 12:00 nin odto kasuodma, an sinambit na pampasaherong bus nawaran nin direksyon mantang nagdadalagan ini sa Maharlika Highway sa Sitio Macabolos, sa Brgy. Tuaca, sa banwaan na ini.

An bus pig mamaneho ni Ramon Sarsa Bercasio na taga Brgy. Gohonon, Daet, Camarines Norte.

An kagsadire kan naaksidenteng bus iyo si Noel B. Salamero na taga Brgy. Mancruz, Daet.

Pigcacarculo kan mga nagsiyasat kan aksidente na 15 metros an rarom kan hampas na tinagbangan kan bus.

Mientrastanto, si mga pasahero asin empleado kan bus an pigbubulong sa sinambit na mga hospital.

Si PCI Rogelyn P. Calandria, an acting na hepe kan pulis digdi nagpahayag na ginigibo pa ninda an magkakanigong imbestigasyon.

Mayo man nin ibang seryosong nalugadan sa aksidente, afuera kan mga rungas asin gatok sa hawak kan mga nakaludad sa vehiculo.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...