Sunday, August 14, 2016

Bus na viajeng Naga -Manila, naaksidente; driver nagadan sa alta presyon

LIBMANAN, Camarines Sur August 14, 2016 (Bicol Standard) –Atake sa puso an ikinagadan kan driver kan bus na viajeng Naga-Manila, na naaksidente sa Brgy. Tinanquihan, sa banwaan na ini, kan sarong banggui.

Sabi kan mga imbestigador, an Silver Star Bus na may plate number TYZ 891 nagdadalagan sa Maharlika Highway, sa parte kan sinambit na barangay kan magkaigwa nin deferencia sa wiring kan bus na nagresulta tanganing ini mag-arab-adad, dangan nahulog sa hampas.

Sa carculo kan pulis, may laog na 30ng pasahero an aircon bus.

An driver kaini nabisto sa pangaran na Rogelio Joven Jr. y Aguja.

Kan mahulog sa carculadong 6 pie na cale an bus, derecho nang nagkalayo an hawak kan kaini, kaya an haros gabos na gamit kan mga pasahero an natumtom kan kayayo.

Nagluluwas sa enot na resulta kan pagsiyasat na may deferenciang wiring kan bus an talagang pig guikanan kan kalayo.

Mientrastanto, 7ng mga pasahero an idinalagan sa District Hospital sa Libmanan, para ipabulong huli sa mga rungas sa saindang lawas.

Sabi pa sa report, an driver na si Joven dae man talaga nagkaigwa nin grabeng mga rungas sa saiyang hawak.

Alagad, an saiyang ikina gadan iyo an sinapong alta presyon, kan mangyari an aksidente.
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...